دليلك لأنشاء حملة إعلانية على فيسبوك بأقل ميزانية

حملة إعلانية على فيسبوك المنصة الاولى عالميا والتى بتعتبر أكبر منصة أعلانية فى العالم لما فيها من مميزات كتير جداً أهمها الاستهداف الدقيق للشريحة اللى انت عايزها تشوف أعلانك وعلى الرغم من أن موقع فيس بوك بيحاول يوفر خدمة اعلانية سهلة على المستخدم العادى بوجود زر “ترويج” أو “Boost” اللى بيكون موجود تحت أى بوست لصفحتك بس فى بعض الاوقات بيبقى الموضوع مربك نوعاً ما للناس المبتدئين

نظرة عامة عن فيس بوك:

1.23 مليار مستخدم نشط يوميا و 1.15 مليار مستخدم نشط يوميا المحمول و 1.86 مليار مستخدم نشط شهرياً مع الارقام الفلكية دى نقدر نتخيل ان فيسبوك عبارة عن تجمع كبير جداً من البشر هتلاقى فيه كل الاهتمامات المختلفة اللى انت تقدر تستهدفها على حسب نشاطك والمكان الجيوغرافى والسن والجنس الخ ..

قد يهمك : ما هو بيكسل فيسبوك وظيفتة وأهميتة وكيفية أنشائة

لماذا تستخدم اعلانات الفيسبوك ؟

اسباب كتير تدفعك أن تعمل اعلاناتك على فيسبوك اهمها :-

• أمكانية عالية فى التحكم في ميزانيتك اليومية يمكنك ان تصرف 1$ يومياً فقط.
• أمكانية عالية فى استهداف المستخدمين
• يعتبر حالياً الوسيلة الأرخص نسيباً للوصول لشريحتك المُستهدفة

قبل ما تبدأ فى أول حملة اهتم بالامور التالية:

كن صبوراً : على الرغم من الاعداد اللى ذكرناها عن فيسبوك بس ده مش معناه أنك اول ما هتعمل الاعلان هتحقق المطلوب من الاعلان بنسبة 100% انت محتاج تجرب وتحلل وتفكر زى الناس اللى انت بتستهدفها عشان تحقق أكبر فائدة ممكنة من الاعلان

عدل اعلانك بأستمرار: لما هتعمل اعلان بميزانية كبيرة شوية اعلانك ممكن يظهر لبعض الاشخاص اكتر من مرة فحاول على قد ما تقدر تعدل صيغة الاعلان بتاعك بشكل دورى عشان الزائر يتفاعل بشكل اكبر من اعلانك

استغل ميزانيتك ولا ترميها فى الهواء : فى الاساس أغلب مواقع المشهورة زى فيس بوك وتويتر وجوجل بلس ويوتيوب بيقدمو خدمات مجانية زى الصفحات والحسابات الشخصية والتجارية وقنوات الفيديو لكنها تبقي مجانية !شخصياً بفضل ان اعلانات القنوات دى كلها تكون بمحتوى كويس ومتابعه والرد على استفسارات العملاء أو المتابعين والمكان النهائي للزائر يكون على موقعك

وأحذر عزيزى قد تغريك النتائج وساعتها هتبقى محتاج ميزانية كبيرة جداً 😀 

والان ياصديقى خلينا نبدأ فى الشغل العملى وناخد أول خطوة نحو دليلك لأول حملة إعلانية على فيسبوك بأقل ميزانية

متطلبات مهمة :

1. صفحة على الفيسبوك ويمكنك انشائها من هنا
2. موقع الكترونى أن وجد
3. كارت مصرفى قابل للتعامل مع الانترنت

الخطوة الاولى

الخطوة الاولى لأول حملة إعلانية على فيسبوك هي الدخول على حساب المدير الاعلانى من هنا ويجب ان تكون مسجل دخول على حسابك فى فيسبوك https://www.facebook.com/advertising

الخطوة الثانية أنشاء حملة اعلانية

دلوقتي حدد اسم الحملة وهدفها انا اختارت حملة اعلانية هدفها الزيارات من أجل هذا الشرح للتطبيق فقط انت ممكن تختار أى نوع من الاهداف الموضحة فى الصورة على حسب النشاط اللى هتعمل عليه الحملة

ثم نضغط على متابعه زى الصورة اللى جاية

الخطوة الثالثة : بناء الجمهور المستهدف والميزانية

الخطوة دى تعتبر من أهم الخطوات اللى المفروض تهتم بيها جداً لانك بيكون عندك أختيارات كتير ودقيقة ولانها خطوة مهمة هانمشى معاها خطوة خطوة

اولاً : الزيارات

بتختار منها اذا كانت الزيارات اللى انت محتاجها دى لتطبيق أو لرابط صفحة معينة أو حتى موقع الكترونى خارجى

ثانياً : الجمهور

من هنا هتختار الجمهور بتاعك وهتفلترة من حيث العمر والجنس والدولة والمدينة وحتى الحى أوالاهتمامات  واللغه  كمان تقدر تعمل حفظ للجمهور ده وتعمل عليه حملات تانية جديدة

ثالثاً موضع الاعلان

موضع الاعلان هو مكان ظهور الاعلان وفيسبوك بيتيح لك حوالى 10 امكان لظهور الاعلان منها فى التايم لاين أو فى الشريط الجانبي على الشمال أو على الهواتف المحمولة ودى من الافضل تخليها تلقائى مع العلم ان شكل الاعلان بيحدد مكان ظهور الاعلان

شاهد إيضا : كل ما تحتاج معرفته عن شركة باي بال للدفع الالكتروني

رابعاً الميزانية والجدول الزمنى :

هتحدد ميزانيتك على حسب الاستراتيجية اللى هتشتغل بيه وليكن 1 دولار فى اليوم وهتقدر تعين مواعيد مخصصة لظهور اعلانك فيها ودى ميزة كويسة جداً هتقدر من خلالها تنوع مواعيد ظهور اعلانك عشان تقدر تحدد أحسن وقت بيكون متواجد فيه شريحة الجمهور اللى استهدفناه فى الخطوة اللى قبل دى

خامسا تصميم الاعلان

هذة الخطوة لا تقل عن أهمية اختيار الجمهور المستهدف لآنها هى اللى هتبقى الواجهة النهائية اللى الزائر هيشوفها ومن خلالها هيتفاعل مع اعلانك او هيرفضة ومش هيفكر حتى ياخد أى اكشن معاه

فى طريقتين لانشاء اعلان الاولى انك تصمم اعلان من الصفر والتانية انك تختار بوست من بوستات من منشورات صفحتك اللى موجودة اساساً .. تعالو نشوف بالصور

انا هختار انى أعمل انا الاعلان على أساس ان لو هتعمل اعلان لبوست موجود بالفعل ع الصفحة فالموضوع هيبقى اسهل بكتير

قد يهمك إيضا هذا الدليل الشامل عن التسويق العقاري ومقارنته بطرق التسويق المعروفة الأخرى

التنسيق : بيشمل خطوتين وهيكونو كالتالى

1. شكل الاعلان

هتختار شكل الاعلان يبقى عامل ازاى فى حوالى 5 أشكال للاعلان سواء صورة واحده فقط أو البوم صور أو فيديو أو مقال كامل ممكن تكتبة وتستعين بصور معاه وكل الخيارات دى موجودة فى الصورة اللى جاية تقدر تكتشف بنفسك كل شكل منهم لآن بيكون فى معاينة للاعلان بيتم تحديثها بعد كل خطوة انت بتقوم بيها وبتشوف الشكل النهائى للاعلان

2. الصورة

بما أنى اختارت تنسيق الاعلان أنه يكون صورة واحدة زى الصورة اللى فاتت أتوماتيك بيجينى مكان اختار منه الصورة اللى انا هخليها واجهة للاعلان بتاعى .. لازم تراعى المعايير ومواصفات الصور اللى هتنزلها والمعايير دى كالتالى

• حجم الصورة الموصى به: 1200 × 628 بيكسل
  حاول على قد ما تقدر تخلى حجم الصورة يكون بالمقاسات دى عشان تضمن ان الصورة متبقاش شكلها وحش او اصغر من اللازم أو اكبر من اللازم ومش بالضرورة تكون بنفس المقاسات دى حرفياً بس هو ده احسن مقاس
• نسبة العرض إلى الارتفاع: 1.91:1
  دى نسبة قياسية لجميع المواقع اللى بتشتغل بنظام الاعلانات الدفع مقابل النقر زى فيسبوك أو جوجل ادوردز وبتبقى حسبتها كالتالى

  ارتفاع الوحدة الإعلانية = (عرض الجهاز - مساحة الهامش بين الوحدة الإعلانية والتطبيق - مساحة الهامش بين حدود الوحدة الإعلانية وصورة الإعلان) / 1.91 + 140 

• استخدم صورة تحتوي على نسبة محدودة من النصوص المتداخلة
  من حوالى سنة من تاريخ كتابة هذا المقال كان فيسبوك بيرفض أى اعلان النص بيشمل 20% من الصورة الل موجودة فى الاعلان بس دلوقتى فيسبوك استخدم سياسة تانية وهى أنت ممكن تحط صورة فيها كتابه كتير بس مع فرص ظهور ااقل من من الاعلان اللى نسبة الصور فيه ااقل من 20% ولو عايز تعرف أكتر عن الموضوع ده مفيش أحسن من فيسبوك وتقدر تدخل عليه منه هنا

انا رفعت صورة تجريبية عشان المثال زى الصورة التالية

ثالثاً: الصفحات والروابط

محتوى الاعلان من نصوص وراوبط اللى هتكون مصدر جذب الزوار للضغط على اعلانك

هتختار الصفحة اللى انت هتعلن بيها زى الصورة

وبعد كده هنبدأ نحط تفاصيل الاعلان عنوان المنشور اللى هيظهر وكمان تفاصيل البوست

• حاول ان تتجنب الكتابة بصيغة دعائية صارخة، بل استخدم صيغة بسيطة ومفهومة
• وضح لماذا يجب علي المستخدم ان يضغط على إعلانك

هنيئاً لك!، لقد نجحت في انشاء اول حمله إعلانيه على الفيسبوك، نصيحتي لك ان تبقى مهووس جداً بالارقام راقب اداء حملتك الاعلانيه احسب تكلفه العميل بالنسبه لك ومن خلال الارقام اللى هتخرجها من كل حملة أعلانية هتعملها هتقدر تحدد جمهورك موجود فين بالظبط وافضل شريحة مناسبة للخدمة اللى انت بتقدمها

ولو عندك أى أسئلة بخصوص اى شئ لا تتردد فى مراسلتى على بريدى الشخصى Mostafasalem@outlook.com

او من خلال نظام التعليقات أسفل الصفحة